طلب طلاق الضرة
نص الاستشارة :
انا متزوجة بقالى سنة وشهر واكتشفت ان جوزى كان متجوز عرفى قبل ما نتجوز ب٧ شهور ومعندهوش منها اطفال كان شارط عليها كدة لانها مطلقة وعندها بنت، الموضوع كان مرفوض بالنسبة الى انى استحمل الوضع ده، وعشان عارفة انه حرام اقوله يطلقها فطلبت الطلاق لنفسى وهو رفض ومتمسك بيا رغم ان لسة ربنا مرزقناش بالخلفة وقالى اطلبى اى حاجة اعملهالك هنفذها علطول علما انه مش بيروح لها غير يومين فى الاسبوع كام ساعة بحكم انى مش عارفة وبيقولى انها معملتلوش حاجة وحشة عشان يطلقها بس لو دى رغبتى هيعملها عشان يحافظ عليا وانا محتارة لا قادرة اقوله طلقها ولا قادرة اتحمل الوضع ده خصوصا انه كدب عليا ومعرفنيش قبل الجواز وبينى وبين نفسى بقول ما هو كدة كدة ظالمها لانه مش بيعدل بينا بس هى راضية فهل لو طلقها هيبقى فعلا ظلمها وياريت نصيحة تريحنى اقدر اعملها لانى مشتتة وخايفة اخد قرار غلط أندم عليه وشكرا
الاجابة
أختي الكريمة، ربما يكون زوجك قد أخفى عليك أنه متزوج قبلك بزوجة أخرى (طبعا المفترض أن يكون الزواج مستوفيا لأركانه و شروط صحته) ، و هذا خطأ منه بلا شك ويتحمل هو تبعات هذا الخطأ ، و كان عليه أن يخبرك قبل الزواج بك ، على كل حال يتضح مما ذكرت أنه لا يعطي تلك المرأة حقوقها كاملة ، ولا يريد بعد الزواج بك أن يعطيها حقها كاملا في المبيت ، و هذا لا يجوز ، ويجب على الزوج أن يعدل بين الزوجتين في المبيت و النفقة، فإن كنت مستعدة لذلك فاصبري و احتملي و لك الأجر ، و إن كنت لا تحتملين ذلك فاطلبي الطلاق لنفسك وأنت معذورة بطلب الطلاق بسبب ما أخفى عليك و غرّر بك، و لا يجوز أن تطلبي طلاق ضرتك من دون مسوغ شرعي لذلك ، و الله أعلم
التعليقات
يرجى تسجيل الدخول